ഈ വഴി ഇനിയും...

Tuesday, January 31, 2012

സഞ്ചാരം

ഇടുങ്ങിയ മുറി
തീച്ചൂട്
കുക്കറിലെ സമയനിഷ്ഠകള്‍
മസാലയിലെ കണിശങ്ങള്‍
വേവിന്റെ മനക്കണക്ക്
നോവിന്‍ അടയിരുപ്പ്
തീന്‍ മേശയില്‍
പാത്രങ്ങളുടെ
ചെസ്സ് കളി
ജയിക്കുന്ന വിഭവത്തിന്‍ വൈഭവം

കുതറിമാറാന്‍ ഒരു ജനവാതില്‍
വതിലിനപ്പുറം
എന്റെ സഞ്ചാരപഥം
ലിഫ്റ്റിന്റെ അക്കങ്ങളില്‍ കുടുങ്ങാതെ
വാതിലിന്‍ മുരള്‍ച്ച കേള്‍ക്കാതെ
ഞാനൂര്‍ന്നു പോകുന്നു
നഗരം ചുറ്റി വരുന്നു
കാഴ്ചകള്‍ കാണുന്നു

ആരുമീ മുഖം തിരിച്ചറിയുന്നില്ല
എവിടെയോ
കണ്ടത്
മറന്നത്
ക്ലാവു പിടിച്ചത്
മരിച്ചു പോയത്.....



തിരിച്ചു വന്നെന്റെ
കാഴ്ചയുടെ വാണിഭങ്ങള്‍
വലിച്ചെറിയുന്നു,പൂട്ടിവെക്കുന്നു.


ആരും എന്നെ സംശയിക്കില്ല
ശരീരം ഇവിടെ മടക്കിവെച്ചിരിക്കുന്നു.

9 comments:

ശോഭനം said...

ആരും എന്നെ സംശയിക്കില്ല
ശരീരം ഇവിടെയുണ്ട്.

Sha Naduvathaniyil said...

Gooddddd...onnum manassilaayilla...but great...Gud chechikutti

ശ്രീനാഥന്‍ said...

ഉടലുകളറിയാതുയിരെങ്ങോ കാഴ്ച്ച കണ്ട് മടങ്ങിയോ? മടുപ്പിൻതടവറയിൽ നിന്നും..?

M.T.Pradeepkumar. said...

ഇന്നലെകളിലെ ഓര്‍മകളിലേക്ക്,ഇണക്കങ്ങളിലേക്ക്,ഒരു സ്വപ്നസന്ചാരം,മൌനമുടയാതെ..ഒരു മടക്കയാത്ര...ഉടലുപേക്ഷിച്ച യാത്രകളാണ്
നമുക്ക് അധികവും..!ഭയമില്ലാതെ!!
എഴുത്ത് നന്നായി...

മണിലാല്‍ said...

ഭാഷാസുന്ദരം ആശയശക്തം

Sneha said...

ഗുഡ് വൺ......:)

സ്വപ്നസഞ്ചാരം..:)

ചന്ദ്രകാന്തം said...

മെയ്യറിയാത്ത മനോയാനങ്ങള്‍.. കറങ്ങിത്തിരിഞ്ഞ്‌ വീണ്ടും 'തിരുനക്കര തന്നെ എത്തുന്ന വഞ്ചികള്‍'!!
ഇഷ്ടമായി..

ഇലഞ്ഞിപൂക്കള്‍ said...

നല്ല വരികള്...

shinaj said...

sobechee magic , excellent presentation
congratulation my dear